გვილიას საგოლე პასი ექსტრაკლასას პირველ ტურში

საქართველოს ეროვნული ნაკრების ფეხბურთელისთვის, ვაკო გვილიასთვის ''ლეგიას'' მაისურით პოლონეთის ექსტრაკლასაში ჩატარებული პირველი მატჩი უიღბლო გამოვიდა. ''ლეგია'' შინ ''პოგონთან'' 1:2 დამარცხდა.

59-ე წუთზე ვაკო გვილიას საგოლე გადაცემით 19 წლის ხორვატმა სანდრო კულენოვიჩმა ისარგებლა და ანგარიში გახსნა - 1:0. სტუმრებმა 61-ე წუთზე წონასწორობა აღადგინეს, 84-ე წუთზე კი გამარჯვების გოლი გაიტანეს.

 

გვილიამ 90 წუთი ითამაშა. არბიტრმა მე-80 წუთზე ყვითელი ბარათი უჩვენა.

ექსტრაკლასას მეორე ტურში ''ლეგია'' გასვლით მატჩს სტუმრად ვატო არველაძის ''კორონასთან'' გამართავს.

ფოტო: legia.com