El Mundo Deportivo: ტიაგო სილვას "ბარსელონაში" გადასვლა სურს...
ფრანგული "პსჟ"-ს კაპიტანი ტიაგო სილვა, როგორც ჩანს მხოლოდ საფრანგეთის ჩემპიონატის მოგებამ დაღალა და პარიზიდან წასვლაზე უჭირავს თვალი.
31 წლის ცენტრალურმა მცველმა "ნოუ კაპმზე" გადასვლის სურვილი ჟურნალისტებთან საჯაროდ დაადასტურა.
El Mundo Deportivo-ს ინფორმაციით, ბრაზილიელის ამ გადაწყვეტილების მიზეზი ისაა, რომ მას "ჩემპიონთა ლიგის" მოგება სურს და ალბათ, სილვას "პსჟ"-სთან ერთად ამ ტიტულის მოგების იმედი საბოლოოდ გადაეწურა.
შეგახსენებთ, რომ ფეხბურთელი "პარკ დე პრენსზე" 2012 წელს "მილანიდან" გადაბარგდა და მას შემდეგ ლორან ბლანის გუნდში 102 შეხვედრა ჩაატარა.