თსუ-ს გუნდი მეოთხედფინალში გავიდა
თსუ ფუტსალის გუნდი ევროპის საუნივერსიტეტო პირველობის 1/4 ფინალში გავიდა.
ფუტსალის ევროპის საუნივერსიტეტო ჩემპიონატზე ჯგუფის ბოლო შეხვედრაში ქართულმა გუნდმა გერმანიის უნივერსიტეტი „კილი“ ანგარიშით 7 - 0 დაამარცხა.
გოლები გიორგი ჩიმაკიძემ , შალვა კაპანაძემ , გიორგი ღვათაძემ და გიორგი ჭოხონელიძემ გაიტანეს.
მომდევნო ეტაპზე თსუ პორტუგალიის უნივერსიტეტს „მინოს“ შეხვდება.
მატჩი 20 ივლისს 20:00 საათზე გაიმართება.