საქართველოს 20-წლამდელთა ნაკრებს მეოთხედფინალში მასპინძელი პორტუგალია შეხვდება
საქართველოს 20-წლამდელთა ნაკრები ევროპის ჩემპიონატის მეოთხედფინალშია.
პორტუგალიურ მატუსინოშში მიმდინარე ევროპირველობის B დივიზიონში მილოშ გლიგორიევიჩის გაწვრთნილმა ჩვენმა ნაკრებმა ჯგუფური ეტაპის ბოლო ტურის მატჩი ესტონეთთან 67:78 წააგო, თუმცა მეოთხედფინალში მაინც გავიდა.
ქართველებს გასული ოთხივე ტურის მატჩი მოგებული ჰქონდათ და მხოლოდ იმ შემთხვევაში რჩებოდნენ ჯგუფში, თუკი ესტონელებთან 20 ქულითა და მეტით წააგებდნენ.
ჩვენს ჯგუფში სამმა გუნდმა – ჰოლანდიამ, საქართველომ და ესტონეთმა 4 მოგების წილ 1 მარცხი გაადროვა და ურთიერთშეხვედრების გათვალისწინებით პირველ ადგილზე ჰოლანდია გავიდა, მეორეზე საქართველო, ხოლო მესამეზე – ესტონეთი. მეოთხედფინალში ჰოლანდია და საქართველო გავიდნენ.
მომდევნო ეტაპზე ჩვენი ნაკრების მეტოქე მასპინძელი პორტუგალია იქნება. პორტუგალიელებმა ბოლო ტურის მატჩში ბელგია 81:53 გაანადგურეს და C ჯგუფში პირველი ადგილი დაიკავეს.
მეოთხედფინალის წყვილები მთლიანობაში ასე გამოიყურებიან:
რუსეთი (A1) – ბულგარეთი (B2)
ჩეხეთი (B1) – ისლანდია (A2)
ჰოლანდია (C1) – ბელგია (D2)
პორტუგალია (D1) – საქართველო (C2)
18 ივლისი ტურნირზე დასვენების დღეა და მეოთხედფინალები 19 ივლისს გაიმართება.
საქართველოსა და პორტუგალიის მეოთხედფინალური დაპირისპირება თბილისის დროით 23:30 საათიდან დაიწყება.