ისტორიაში პირველად! - ინგლისის ნაკრებმა კრიკეტის მსოფლიო ჩემპიონატი მოიგო
ინგლისსა და უელსში გამართული კრიკეტის რიგით მე-12 მსოფლიო ჩემპიონატი ინგლისის ნაკრების ტრიუმფით დასრულდა. ბრიტანელებმა ფინალურ შეხვედრაში ახალი ზელანდია დაძაბულ ბრძოლაში დაამარცხეს.
ინგლისმა კრიკეტის მსოფლიო ჩემპიონატის ფინალში მესამედ ითამაშა, გუნდმა 1979 წელს - დასავლეთ ინდოეთის, ხოლო 1992 წელს პაკისტანის ნაკრებთან ფინალური მატჩი წააგო, ტიტული კი ისტორიაში პირველად მოიგო.
ამ მხრივ რეკორდსმენი ავსტრალიის ნაკრებია, რომელმაც მსოფლიო ჩემპიონობა 5-ჯერ მოიპოვა.
კრიკეტის მომდევნო მსოფლიო ჩემპიონატი 2023 წლის თებერვალსა და მარტში ინდოეთში გაიმართება.