კლასიკა ფედერერის სასარგებლოდ! - "მაესტრო" უიმბლდონის ფინალში ჯოკოვიჩზე გავიდა
ჩოგბურთის ორი ლეგენდის - როჯერ ფედერერისა და რაფაელ ნადალის რიგით მე-40 ურთიერთშეხვედრა ფედერერის გამარჯვებით დასრულდა, რითაც მან უიმბლდონის ფინალში ნოვაკ ჯოკოვიჩის წინააღმდეგ თამაშის უფლება მოიპოვა.
37 წლის შვეიცარიელი უიმბლდონის ნახევარფინალურ ეტაპზე მე-13-ედ თამაშობდა და მხოლოდ ერთ შემთხვევაში დამარცხდა - 2016 წელს მილოშ რაონიჩთან.
When you improve to 12-1 in #Wimbledon semi-finals… ????@rogerfederer | #Wimbledon
— ATP Tour (@ATP_Tour) July 12, 2019
????: @Wimbledonpic.twitter.com/XQIsBLaNu9
ფედერერმა თამაში მაღალ ტემპში დაიწყო და ჩაწოდებებს დამაჯერებლად ინარჩუნებდა, მშვენივრად აწვდიდა ნადალიც, რამაც პირველი სეტი ლოგიკურ ტაიბრეიკამდე მიიყვანა.
შემოკლებული გეიმი ნადალმა უკეთესად გახსნა და მინიბრეიკით ორჯერ დაწინაურდა, თუმცა 2:3-დან ფედერერმა ინიციატივა სრულად ხელში ჩაიგდო და ზედიზედ 5 გათამაშების მოგებით სეტი სათავისოდ დაასრულა.
Fixated.
— Wimbledon (@Wimbledon) July 12, 2019
Advantage @rogerfederer as the Swiss wins the first set tie-break 7-3 #Wimbledon pic.twitter.com/b9KYikDrgZ
მეორე პარტიის სტარტზე ესპანელი აშკარად უკეთესად გამოიყურებოდა, რამაც შეიცარიელს საქმე გაურთულა, გარდამტეხი კი მე-3 გეიმი გამოდგა, როცა ფედერერმა ორმაგი ბრეიკ-პოინტი ვერ გამოიყენა და შემდეგ უკვე რაფას შეჩერება შეუძლებელი გახდა.
საბოლოოდ, პირენეელის ბრწყინვალე თამაშისა და როჯერის შეცდომების ფონზე წარმართული სეტი მალევე დასრულდა და ის ნადალმა ორბრეიკიანი უპირატესობით - 6:1 მოიგო.
Nadal draws level. @RafaelNadal wins the second set 6-1 against Roger Federer#Wimbledon pic.twitter.com/BvGGhcigND
— Wimbledon (@Wimbledon) July 12, 2019
საჩოგბურთო დღესასწაული ახალ ეტაპზე გადავიდა და ცხადი იყო, რომ გულშემატკივარს მთავარი სანახაობა წინ ელოდა.
უშუალოდ კორტზე მაყურებლებს შორის კი არაერთი ცნობილი სახე ვიხილეთ, მათ შორის: ჯუდ ლოუ, ტრენტ ალექსანდრ-არნოლდი, ვირჯილ ვან დიიკი, ჟოზე მოურინიო, ალექს ფერგიუსონი და დევიდ ბექჰემი.
Game recognises game ????#Wimbledon pic.twitter.com/IdxjlFT8VE
— Wimbledon (@Wimbledon) July 12, 2019
Famous football faces ⚽️ #Wimbledon pic.twitter.com/OxZFzYRhiS
— Wimbledon (@Wimbledon) July 12, 2019
მესამე სეტის დასაწყისი პირველისას მოგვაგონებდა. როჯერი ისევ მაღალ ტემპში ათამაშდა, რიტმს თავად აკონტროლებდა და მე-4 გეიმში ბრეიკიც შეასრულა, შემდეგი ჩაწოდებისას კი რთული გეიმი დაიტოვა და ანგარიში 4:1 გახადა.
აღნიშნული პარტიისას უიმბლდონის ისტორიული რეკორდიც დაემხო. ფედერერმა ამ ტურნირზე 1398-ე ეისი შეასრულა და გორან ივანიშევიჩის მაჩვენებელი გააუმჯობესა. შესაბამისად, ჩოგბურთელებს ჩაწოდება აღარ დაუკარგავთ და ფედერერი სეტებში წინ კიდევ ერთხელ გავიდა.
Another record goes the way of @rogerfederer ????#Wimbledon pic.twitter.com/POFYhs74l6
— Wimbledon (@Wimbledon) July 12, 2019
ლეგენდარულ შვეიცარიელს უპირატესობა ხელიდან აღარ გაუშვია, დამაჯერებლად და მშვიდად თამაშობდა, შედეგად, ბრეიკი მალევე შეასრულა. თუმცა, მატჩზე ჩაწოდებისას სიტუაცია მაინც დაიძაბა.
ყველაფერს წინ 3:5-ზე ნადალის გეიმი უძღოდა, რომელშიც მან 2 მატჩ-პოინტი გადაარჩინა, ფედერერის ჩაწოდებაზე კი იგივე ასევე ორჯერ გააკეთა, მაგრამ რიგით მე-5 მატჩ-პოინტზე როჯერმა თამაშს წერტილი 7:6; 1:6; 6:3; 6:4-ით დაუსვა და უიმბლდონზე ნადალთან ურთიერთშეხვედრების ანგარიში 3:1 გახადა.
The moment @rogerfederer reached his 12th #Wimbledon final... pic.twitter.com/AJrP3yYCns
— Wimbledon (@Wimbledon) July 12, 2019
როჯერ ფედერერი უიმბლდონის ფინალში ნოვაკ ჯოკოვიჩს კვირას დაუპირისპირდება, რომელმაც, თავის მხრივ, ნახევარფინალურ შეხვედრაში რობერტო ბაუტისტა-აგუტს 4 სეტში აჯობა.
"მხიარული როჯერი" უიმბლდონის გადამწყვეტ მატჩში მე-12-ედ გავიდა და ტიტულის მეცხრედ მოგებას შეეცდება, "ნოლე" კი ტურნირის ფინალში მე-6-ედ ითამაშებს და მე-5 ტიტულს დაუმიზნებს.
The eight-time champion against the reigning champion.
— Wimbledon (@Wimbledon) July 12, 2019
What a final we have in store...#Wimbledon | @rogerfederer | @DjokerNole pic.twitter.com/YKNz0h3ACw
