ჩოგბურთში პირველად! - ისტორიული ტაიბრეიკი უიმბლდონზე
უიმბლდონის 2019 წლის გათამაშება რამდენიმე ცვლილების ფონზე ჩატარდა, ერთ-ერთი მათგანი კი ისტორიული ხასიათის გახლდათ. კონკრეტულად - ჩოგბურთის ისტორიაში უიმბლდონი პირველი ტურნირია, რომლის გადამწყვეტ სეტშიც ტაიბრეიკი არა 6:6-ზე, არამედ 12:12-ზე უნდა დანიშნულიყო.
გათამაშების მე-8 დღემდე მსგავსი ფორმის ტაიბრეიკის დანიშვნა საჭირო არ გამხდარა, ისტორიული მომენტი კი მამაკაცთა წყვილთა თანრიგის 1/8 ფინალურ მატჩში დადგა, რომელშიც ერთმანეთს კონტინენი/პირსისა და რამი/სალსბერის წყვილები უპირისპირდებოდნენ.
მე-5 სეტის 9:8-ზე რამი და სალსბერი მატჩზე აწვდიდნენ, თუმცა შანსი ვერ გამოიყენეს, რის გამოც დაისაჯნენ და ისტორიულ ტაიბრეიკზე კონტინენმა და პირსმა იმარჯვეს - 7:6; 6:4; 3:6; 4:6; 13:12.
A little piece of history...
— Wimbledon (@Wimbledon) July 9, 2019
Our first 12-12 final set tie-break has taken place - and on Court 12 no less
Kontinen/ Peers defeat Ram/ Salisbury 7-6(2), 6-4, 3-6, 4-6, 13-12(2) pic.twitter.com/f52dQxO1mv
კონტინენი/პირსი, რომელიც ტურნირზე მე-8 ნომრადაა განთესილი, 1/4 ფინალში გავიდა, სადაც კლაასენისა და ვენუსის მე-3 ნომრად განთესილ დუეტს შეხვდება.