"ის ნამდვილი გმირია" - მესის რესტორანში გაჭირვებულებს საკვებს უფასოდ სთავაზობენ
ლიონელ მესის მშობლიურ ქალაქ როსარიოში მდებარე მისივე რესტორანში გაჭირვებულ ადამიანებს საკვებსა და სასმელს უფასოდ სთავაზობენ. რესტორან VIP-ში აღნიშნული აქცია პარასკევიდან მოყოლებული მოქმედებს.
როსარიოში ჩასული ერთ-ერთი არაბი ტურისტი, აბდულა შეიხი, "ტვიტერის" საკუთარ გვერდზე ამასთან დაკავშირებით პოსტსა და ფოტოს აქვეყნებს:
"ეკონომიკური კრისიზის პირობებში, მესიმ პერსონალს სთხოვა, რომ ქუჩაში მცხოვრები ადამიანებისათვის საკვები უფასოდ მიეწოდებინათ და მათთვის, შეძლებისდაგვარად, თავშესაფარი შეეთავაზებინათ. ის მოედანს მიღმაც ნამდვილი გმირია". - წერს ტურისტი.
As #Argentina ???????? is facing Economic Crisis#Messi has asked to those in charge of his restaurant in #Rosario, to open the doors to people who live on the streets and provide them with shelter and food for free.
— Sheikh Abdullah ???????? (@iSheikhAbdullah) July 9, 2019
He is a true hero on and off the field pic.twitter.com/fTipQ3tzc1
"ძალიან ბევრი ადამიანი მოდის და მადლიერებას გამოხატავს. ეს აქცია 15 დღის განმავლობაში გაგრძელდება და საღამოს 19-დან 21 საათამდე ჩვენს მეგობრებს უფასოდ ვუმასპინძლებთ. ასევე, ქუჩებში ყავა, გამაგრილებელი სასმელი და ღვინოც გაგვაქვს". - ამბობს რესტორნის მენეჯერი არიელ ალმადა.
არგენტინელი ვარსკვლავის საქველმოქმედო ფონდმა წელს, UNICEF-თან ერთად, კენიაში მცხოვრები ბავშვების ყოფითი პირობების გასაუმჯობესებლად სპეციალური აქცია გამართა, რისთვისაც 200 000 ევრო გაიღო.