"მატადორი" სრული სვლით! - ნადალი უიმბლდონის 1/4 ფინალში გავიდა
რაფაელ ნადალმა პორტუგალიელი ჟოაო სოუზას ზღაპარი დაასრულა, 3 სეტში იოლად დაამარცხა და უიმბლდონის პირველი მეოთხედფინალისტი გახდა. ესპანელს მეტოქის დასამარცხებლად საათი და 46 წუთი დასჭირდა.
ნადალი სამივე პარტიაში უდიდეს უპირატესობას ფლობდა და გამარჯვება ეჭვის ქვეშ წამითაც არ დაუყენებია, საბოლოოდ მან 6:2; 6:2; 6:2 იმარჯვა და მომდევნო წრეში სემ ქუერის შეხვდება, რომელმაც ტენის სანდგრენს დაძაბული 4-სეტიანი მატჩი მოუგო.
Is 2019 the year @RafaelNadal wins his third #Wimbledon title?
— Wimbledon (@Wimbledon) July 8, 2019
The Spaniard cruises through to his seventh quarter-final at The Championships with an impressive victory over Joao Sousa pic.twitter.com/Mn16MmomzB
რაფამ დიდი სლემის ტურნირის საუკეთესო 8 ჩოგბურთელში ზედიზედ მერვედ გავიდა, რაც 2009-2012 წლებში დაფიქსირებული მიჯრით 12 მეოთხედფინალის შემდეგ მისთვის საუკეთესო მაჩვენებელია.
"მატადორი" შესანიშნავ თამაშს აჩვენებს და ბოლო 2 მატჩში - ცონგასა და სოუზას წინააღმდეგ, ჯამში მხოლოდ 13 გეიმი დათმო.
"WOW!"
— Wimbledon (@Wimbledon) July 8, 2019
Entertainment of the highest order, courtesy of @RafaelNadal and @joaosousa30 ????#Wimbledon pic.twitter.com/J7vds39L4X
თუკი ნადალი მეოთხედფინალურ შეხვედრასაც წარმატებით დაასრულებს, წლის შემაჯამებელ ტურნირზე თამაშს გაინაღდებს.
შეგახსენებთ, რომ რაფაელ ნადალი უიმბლდონის ორგზის გამარჯვებულია, მან ტიტულის მოგება 2008 და 2010 წლებში შეძლო.