მსგავსი რამ ნანახი არ გექნებათ! სიცრუის 30 წამი - როგორ მოატყუა რადიომ გულშემატკივრები
აფრიკის თასზე მაროკოს ნაკრები მოულოდნელად 1/8-ფინალში ბენინთან დამარცხდა და ტურნირს გამოეთიშა.
ჰაკიმ ზიეჩი და კომპანია ტურნირის ერთ-ერთ ფავორიტად ითვლებოდა, თუმცა ფეხბურთში სენსაციები ხშირად ხდება.
მაროკო უდიდეს უპირატესობას ფლობდა, თუმცა მეორე ტაიმის სტარტზე ბურთი საკუთარ კარში მიიღეს.
76-ე წუთზე ელ ნესირიმ წონასწორობა აღადგინა და მაროკომ მოსაგებადაც გაიწია. საბოლოოდ ლენარის გუნდმა მიზნამდე მისვლა მოახერხა და მსაჯის მიერ დამატებულ მე-6 წუთზე პენალტის დარტყმის უფლება მოიპოვა.
96-ე წუთზე ბურთთან ჰაკიმ ზიეჩი მივიდა, რომელმაც დარტყმა გააცუდა, შეხვედრა ფრედ დასრულდა და საბოლოოდ პენალტების სერიაში მაროკო დამარცხდა.
???????? | Hakim Ziyech ontroostbaar na de verloren achtste finale.https://t.co/BX8doc7Uc9 pic.twitter.com/J5bjPwgxh7
— FOX Sports (@FOXSportsnl) July 5, 2019
ბენინი კი არსებობის ისტორიაში აფრიკის თასის მეოთხედფინალში პირველად გავიდა.
Congratulations ????????
— Obiwest Utchaychukwu (@west_obi) July 5, 2019
Benin are through to the AFCON quarterfinals for the first time in the nation's history after defeating Morrocco in a penalty shootouts #TotalAFCON2019 #Benin #BBNaija2019 pic.twitter.com/op8MLzCEbT
ინტერნეტსივრცეში ყურადღება ერთმა ვიდეომ მიიპყრო, რომელშიც მაროკოელი გულშემატკივრები თავიანთ ნაკრებს გულმხურვალედ ქომაგობენ.
ხსენებულ ვიდეოს სოციალურ ქსელებში დიდი გამოხმაურება მოჰყვა. ეს იყო შემთხვევითი ბოროტი ხუმრობა, რომელმაც უდიდესი სიხარული რამდენიმე წამში საშინლად მწარე რეალობად აქცია.
საქმე იმაშია, რომ ერთ-ერთმა ქომაგმა, რომელიც რეპორტაჟს პარალელურად რადიოშიც უსმენდა გაიგონა, რომ ზიეჩმა პენალტი გაიტანა და მაროკომ მოიგო.
რადიორეპორტაჟი ტელევიზიისას რამდენიმე წამით უსწრებდა და ბიჭმაც იქ შეკრებილ ხალხს ეს სასიხარულო ამბავი აცნობა, რის შემდეგაც ოთახი ლამის დაინგრა.
Sa c’est le moment du penalty de ziyech au bled et le mec avec la casquette grise écoute la radio (qui est en avance sur le match) il leur dit que ziyech a marqué sfdp ???????????? pic.twitter.com/O3sjn0YdJH
— Sofiane ❄️❄️???????? (@sisi270) July 6, 2019
საოცრად ემოციური წამების შემდეგ ზიეჩმა პენალტი დაარტყა და გააცუდა, რის შემდეგაც ოთახში სრული სიჩუმე ჩამოვარდა, შემდეგ ამ ცრუ ინფორმაციის გამავრცელებელს შეხედეს და აქ ვიდეოც ითიშება.
რთული სათქმელია თუ რატომ გამოაცხადეს რადიოში პენალტი გოლად. შესაძლოა ხსენებულმა გულშემატკივარმა რაღაც შეცდომით გაიგო. ვინ იცის...
უცნობია თუ რა ბედი ეწია იმ ახლაგაზრდას, რომელმაც ათობით მაროკოელს 30 წამიანი ბედნიერება აჩუქა...
