უცნაური მიზეზი, რის გამოც ენეს კანტერმა "პორტლენდში" დარჩენაზე უარი განაცხადა
მოლაპარაკებების წარმოებაში დახელოვნებული ადამიანები ერთ მარტივ და საკმაოდ ძველ ხრიკს ხშირად იყენებენ ხოლმე. საუბარი ასეთ მიდგომაზე გვაქვს: "თუ მომდევნო ხუთი წუთის განმავლობაში არ დაგვთანხმდები, ასეთ შეთავაზებას ვეღარასდროს მიიღებ".
რეალურად არავინ იცის შეესაბამება ეს ფრაზა სიმართლეს თუ არა, თუმცა ხშირ შემთხვევაში რომ ამართლებს ცნობილი ფაქტია. ამ ხრიკის დამსახურებით ბევრი ადამიანი წავიდა დათმობაზე.
ენეს კანტერი ერთ-ერთი მათგანი არ ყოფილა.
27 წლის ცენტრმა რამდენიმე დღის წინ კონტრაქტი "ბოსტონ სელტიკსთან" გააფორმა და მოგვიანებით მარკ სპირსს ის მიზეზი გაანდო, რატომაც "პორტლენდის" დატოვება გადაწყვიტა.
"ბლეიზერსის რიგებში დარჩენას აქტიურად განვიხილავდი, თუმცა მათ გადაწყვეტილების მისაღებად მხოლოდ 6 წუთი მომცეს. ვიგრძენი, რომ წნეხის ქვეშ ვიყავი და ამის გამო დისკომფორტი შემექმნა. ამიტომ ვუთხარი, რომ მოსაფიქრებლად დრო მჭირდებოდა. ასევე მინდოდა ჩემი ძმისთვის დამერეკა, რათა მას ჩემი ოჯახისთვის ეკითხა აზრი. საქმე ისაა, რომ ჩემს ოჯახს პირდაპირ ვერ ვურეკავ, თუმცა მათ (პორტლენდის წარმომადგენლებმა) დამოკიდებულება არ შეცვალეს და საბოლოოდ უარი ვუთხარი".
New Celtics center Enes Kanter via text to @TheUndefeated on why he didn’t return to Portland. pic.twitter.com/kznF6CUmbU
— Marc J. Spears (@MarcJSpearsESPN) July 1, 2019
მოგვიანებით კანტერის განცხადებას დემიენ ლილარდი გამოეხმაურა და აღნიშნა: "ხანდახან შესაძლოა ერთი ადამიანის მოლოდინში ორი ადამიანი დაკარგო. შემიძლია დავადასტურო, რომ ჩემი ბიჭისთვის (კანტერს გულისხმობს) მოსაფიქრებლად 6 წუთი არ მიუციათ. ალბათ მას თავდაპირველად მიცემული 45 წუთიდან მხოლოდ ექვსიღა ჰქონდა დარჩენილი".
Sometimes there’s a chance you lose out on two ppl because you’re waiting on one. What I can confirm is that my boy was not given 6 mins lol... he was prob down to 6 mins from the original 45 https://t.co/vDn4cfxVHg
— Damian Lillard (@Dame_Lillard) July 1, 2019
"მე იქ ვიყავი. 45 წუთი ბევრი არაა, მაგრამ ხელცარიელი დარჩენა არავის სურს".
I was there. 45 mins ain’t that long either but nobody wana be left empty handed https://t.co/mtvT3jPNqU
— Damian Lillard (@Dame_Lillard) July 1, 2019
შეგახსენებთ, რომ "ტრეილ ბლეიზერსი" ჯიმი ბატლერის ტრეიდში გახლდათ ჩართული, რომლის შედეგადაც დემიენ ლილარდსა და კომპანიას ჰასან უაითსაიდი შეუერთდა. უდიდესი ალბათობით "პორტლენდს" ამ გაცვლის თაობაზე ჰქონდა შეთავაზება და კანტერს სწორედ ამიტომ აჩქარებდა.