ნესტა "ფროზინონეს" გაწვრთნის
იტალიურ საფეხბურთო კლუბ "ფროზინონეს" ოფიციალურმა საიტმა დაადასტურა, რომ გუნდის მთავარი მწვრთნელის პოსტს ლეგენდარული ალესანდრო ნესტა დაიკავებს.
ნესტას "ფროზინონეში" წარდგენა ოთხშაბათისთვის დაანონსდა, თუმცა აქედანვე ცნობილია, რომ იგი კლუბთან 2-წლიან კონტრაქტს გააფორმებს და "ჯალაძურის" უმაღლეს ლიგაში დაწინაურებას ეცდება.
✍???? Alessandro Nesta è il nuovo allenatore del #FrosinoneCalcio
— Frosinone Calcio (@Frosinone1928) June 17, 2019
???? Benvenuto Mister!
➡️ https://t.co/WGYmTgL4Fp pic.twitter.com/BX1aTlUEmB
43 წლის სპეციალისტი ბოლოს სერია B-ს კიდევ ერთ წარმომადგენელ "პერუჯას" წვრთნიდა, რომელიც დასაწინაურებელ ფლეი-ოფში გაიყვანა, მაგრამ იქ პირველსავე ეტაპზე, "ვერონასთან" დამატებით დროში დამარცხდა. ნესტა "პერუჯაში" მასიმო ოდომ შეცვალა.
რაც შეეხება "ფროზინონეს", გუნდმა სერია A-ს გასული გათამაშება მე-19 ადგილზე დაასრულა, სეზონის მიმდინარეობისას კი 2 მწვრთნელი გამოიცვალა - "ჯალაძურის" ჯერ მორენო ლონგო ავარჯიშებდა, დეკემბრიდან კი იგი მარკო ბარონიმ ჩაანაცვლა.