U20: საქართველოს ნაკრებმა მძიმე ბრძოლა შემოატრიალა და შოტლანდია დაამარცხა!
საქართველოს 20-წლამდელთა მორაგბეთა ნაკრებმა მსოფლიო ჩემპიონატის მე-3 მატჩი გამარჯვებით დაასრულა და შოტლანდია 17:12 დაამარცხა.
პირველი ტაიმი საქართველოს ნაკრებმა 0:7 დათმო, თუმცა შესვენების შემდეგ თამაში დაალაგა და ბურთზე კონტროლი დააწესა.
ყველაფერი თედო აბჟანდაძის ჯარიმით დაიწყო. ანგარიში შემცირდა, თუმცა დერეფანის წაგების შემდეგ მეტოქემ მორიგი ლელო დაგვიდო, მაგრამ ვერ გარდასახა.
57-ე წუთზე ქართველებმა მეტოქის დაცვა გაჭრეს, რაც აბჟანდაძის ლელოთი დაგვირგვინდა!
თედომ გარდასახვაც გამოიყენა და ანგარიში 10:12 გახდა.
74-ე წუთზე დერეფანში შეცდომა ამჯერად შოტლანდიელებმა დაუშვეს, რითიც ნიორაძემ ისარგებლა და ლელო დადო.
აბჟანდაძემ ზუსტად გარდასახა და ტაბლოზე შეხვედრის საბოლოო ანგარიში 17:12 დაფიქსირდა.
ამრიგად, 20-წლამდელებმა ჯგუფში პირველი შეხვედრა მოიგეს. ჩვენი ნაკრებისთვის ეს მსოფლიო ჩემპიონატის ისტორიაში მეორე გამარჯვება იყო.
ფოტო - Georgian Rugby