სუპერ კავაი! "ტორონტომ" "გოლდენ სტეიტს" მეორე გასვლითი შეხვედრაც მოუგო და 3:1 დაწინაურდა!
გამთენიისას NBA-ს სუპერფინალური სერიის მე-4 შეხვედრა გაიმართა, რომელსაც ოკლენდში "ორაქლ სენთერმა" უმასპინძლა.
"ტორონტომ" მორიგი მოულოდნელობა შემოგვთავაზა და "გოლდენ სტეიტი" მისსავე მოედანზე დაამარცხა - 105:92.
პირველ მეოთხედში სტივ კერის გუნდი კარგად გამოიყურებოდა და 23:17-იც მოიგო. თუმცა ამის შემდეგ ყველაფერი აირია.
Replay Review (Capers): if Curry's made field goal was released before the shot clock expired in Q1 of #TORatGSW. Ruling: Overturned, shot clock violation, no basket. pic.twitter.com/MNZ0Q08XHT
— NBA Official (@NBAOfficial) June 8, 2019
კანადელებმა დარჩენილი სამივე მეოთხედი მოიგეს და ოკლენდში ორივე გასვლითი შეხვედრა გამარჯვებით დაასრულეს!
ამრიგად, "რეპტორსი" სერიას უკვე 3:1-ს იგებს.
რაც შეეხება სტატისტიკას, სტეფ კარის 27 ქულა ჰქონდა, კლეი ტომპსონს 28. კერის გუნდს კევინ დურანტის გარეშე თამაში ძალიან უჭირს. ეს აშკარაა და ამის აღიარება ყველას მოუწევს.
კავაი ლეონარდი მოწოდების სიმაღლეზე იყო - 36 ქულა, 12 მოხსნა, 2 გადაცემა, 4 ჩაჭრა და 1 დაფარება.
Rewatch it again.@TangerineHoops Game Highlights
— Toronto Raptors (@Raptors) June 8, 2019
????: https://t.co/szpxKSVDeM pic.twitter.com/As6j4MyqSj
20 ქულა ჩააგდო სერჟ იბაკამ. პასკალ სიაკამიმ კი 19 ქულა და 5 მოხსნა მიითვალა.
ორშაბათს სუპერფინალების მე-5 შეხვედრას კანადა უმასპინძლებს და გამარჯვების შემთხვევაში "ტორონტო" ისტორიას დაწერს!
A THING OF BEAUTY pic.twitter.com/HlCPFITxRn
— Toronto Raptors (@Raptors) June 8, 2019
