საქართველო ახალ ზელანდიასთან მძიმე ბრძოლაში დამარცხდა
რაგბიში მსოფლიოს 20-წლამდელთა ჩემპიონატის პირველ ტურში საქართველოს ნაკრები ექვსგზის ჩემპიონ ახალ ზელანდიასთან 13:45 დამარცხდა.
მე-7 წუთზე საქართველოს ნაკრები დაწინაურდა, თედო აბჟანდაძემ საჯარიმო დარტყმით ანგარიში გახსნა. მიუხედავად იმისა, რომ მე-10 წუთზე ახალი ზელანდიის ნაკრები რიცხვობრივ უმცირესობაში აღმოჩნდა, თუმცა საქართველოს ნაკრებმა ანგარიშის შენარჩუნება ვერ მოახერხა. მეტოქემ ორი ლელო დადო, ერთი გარდასახვა გამოიყენა და მე-17 წუთზე სხვაობა 9 ქულას შეადგენდა.
Wow, EVERYTHING about this try was magic.
— World Rugby (@WorldRugby) June 4, 2019
???? @AllBlacks's Kohan Herbert with the Jedi finish.#WorldRugbyU20s pic.twitter.com/VPAClKqyie
24-ე წუთზე ქართველ მორაგბეებს ანგარიშის შემცირების რეალური შანსი ჰქონდათ, თუმცა ლელომდე მცირედი დააკლდათ. 27-ე წუთზე აბჟანდაძემ საჯარიმოდან ანგარიში შეამცირა.
36-ე წუთზე ახალმა ზელანდიამ მესამე ლელო დადო, რასაც ზუსტი გარდასახვა მოჰყვა. პირველი ტაიმი საქართველომ 6:19 წააგო.
მეორე ტაიმში საქართველომ ლელო დადო, ჯინჭარაძის ლელოს აბჟანდაძის ზუსტი გარდასახვა მოჰყვა, თუმცა მატჩის დარჩენილი დრო ახალი ზელანდიის უპირატესობით განვითარდა. საბოლოოდ ახალმა ზელანდიამ 45:13 გაიმარჯვა, რაც მოსალოდნელი იყო.
საქართველო შემდეგ მატჩს სამხრეთ აფრიკასთან 8 ივნისს გამართავს.
Make sure you catch the Under 20's World Championship highlights tonight on @ITV4!
— ITV Rugby (@ITVRugby) June 4, 2019
⏰ 11pm
???? @ITV4 pic.twitter.com/1NVfDmiaJR
