''საბურთალოში'' კუპატაძე და რეხვიაშვილი ბრუნდებიან
CrystalSport-ის ცნობით საფეხბურთო კლუბ ''საბურთალოს'' ორი ყოფილი ფეხბურთელი, ლაზარე კუპატაძე და გიორგი რეხვიაშვილი უბრუნდებიან. მათ თბილისური კლუბი მიმდინარე წლის დასაწყისში დატოვეს, თუმცა კარიერის უცხოეთში გაგრძელების მცდელობა წარუმატებელი გამოვიდა.
23 წლის მეკარემ, ლაზარე კუპატაძემ ლუქსემბურგის ჩემპიონატის კლუბ ''იუნეს ეშხში'' მხოლოდ 3 მატჩი ჩაატარა. მისმა გუნდმა ჩემპიონატში მესამე ადგილი დაიკავა.
31 წლის ცენტრალურმა მცველმა გიორგი რეხვიაშვილმა ბერძნულ ''ლევადიაკოსში'' 10 მატჩი ჩაატარა, კლუბი ბოლოსწინა ადგილზე გავიდა და საბერძნეთის სუპერლიგიდან გავარდა.
2018 წლის სეზონში კუპატაძე და რეხვიაშვილი ''საბურთალოს'' შემადგენლობაში რეგულარულად ასპარეზობდნენ და გუნდის ჩემპიონობაში მნიშვნელოვანი წვლილი შეიტანეს.
ფოტო: eliga.ge, gff.ge
