ისკოს ოფიციალური განცხადება მის ტრანსფერზე!

მადრიდის "რეალის" ახალგაზრდა ნახვეარმცველმა ისკომ მის გუნდიდან შესაძლო წასვლაზე ისაუბრა:

"მე გუნდთან კონტრაქტი კიდევ 2 წელი, 2018 წლამდე მაკავშირებს და ჩემი სურვილია, რომ "სანტიაგო ბერნაბეუზე" მინიმუმ ამ დრომდე დავრჩე"... - ლაკონურად განუცხადა ჩვენს პირინეელ კოლეგებს "სამეფო კლუბის" შემტევმა.

მოგეხსენებათ, ბოლო კვირებია ისკოს ტრანსფერზე საუბარი არ წყდება, მასთან ერთად ესპანური გამოცემები შესაძლო წამსვლელთა შორის ხამესსაც ასახელებენ. 

ასე მაგალითად, გუშინ marca-მ გაავრცელა ინფორმაცია, რომ 23 წლის ესპანელის სანაცვლოდ "რეალისთვის" ტურინის "იუვენტუსი" 30 მილიონი ევროს შეთავაზებას აპირებს. გარდა "ბებერი ქალბატონისა" ისკოთი ინტერესს "მანჩესტერ სიტიც", კონკრეტულად კი მისი მომავალი თავკაცი ხოსეპ გვარდიოლაც იჩენს.