კიტეიშვილის საგოლე გადაცემა ავსტრიის ბუნდესლიგაში

ავსტრიის ბუნდესლიგის 2018-19 წლების სეზონის დასკვნით ტურში ''ვოლფსბერგერისა'' და გრაცის ''შტურმის''  შეხვედრის მე-11 წუთზე ოთარ კიტეიშვილის საგოლე გადაცემის შემდეგ მიხაელ ლემამ ანგარიში გახსნა.

 

შესვენების შემდეგ ''ვოლფსბერგერმა'' 2 გოლი გაიტანა და მასპინძლებმა შეხვედრა 2:1 მოიგეს. საუკეთესო ექვსეულში ''შტურმი'' 24 ქულით მე-5 ადგილზე გავიდა.

საქართველოს ეროვნული ნაკრების 23 წლის ნახევარმცველმა მიმდინარე სეზონში ავსტრიის ჩემპიონატში 30 მატჩი ჩაატარა, 4 გოლი შეაგდო და 3 საგოლე გადაცემა შეასრულა.

ოთარ კიტეიშვილი ავსტრიულ კლუბში 2018 წლის ზაფხულში თბილისის ''დინამოდან'' გადავიდა.

''ვოლფსბერგერთან'' შეხვედრამდე კიტეიშვილმა ზედიზედ ორ მატჩში მოახერხა გოლის გატანა. ასე რომ ჩემპიონატის დასკვნით სამ ტურში მის ანგარიშზე 2 გოლი და 1 საგოლე პასია. ფეხბურთელი სანაკრებო შეკრებას კარგ ფორმაში ხვდება.

ვლადიმირ ვაისის გაწვრთნილი საქართველოს ეროვნული ნაკრები ევროპის ჩემპიონატის შესარჩევ ციკლში უახლოეს ორ მატჩს ივნისში გიბრალტარისა და დანიის წინააღმდეგ ჩაატარებს.