ხარაბაძემ სეზონი ბრწყინვალე საგოლე პასით დაასრულა
შვეიცარიის სუპერლიგის 2018-19 წლების გათამაშების უკანასკნელ 36-ე ტურში ''ციურიხისა'' და ''სენტ. გალენის'' შეხვედრა ფრედ 1:1 დასრულდა.
''ციურიხის'' სასტარტო შემადგენლობაში ლევან ხარაბაძე მოხვდა, რომელმაც 50-ე წუთზე შესანიშნავი საგოლე გადაცემა შეასრულა და სალიმ ხელიფიმ მატჩის საბოლოო ანგარიში დააფიქსირა.
50. TOOOOOOR!! Der #Stadtclub gleicht die Partie aus. Über mehrere Stationen kommt der Ball in den Angriff, wo Kharabadze mit einer Hereingabe Khelifi findet. Dieser nimmt die Flanke direkt ab und trifft zum 1:1! #fcz #fczuerich #FCZFCSG
— FC Zürich (@fc_zuerich) May 25, 2019
ხარაბაძე ''ციურიხს'' გასულ ზამთარში შეუერთდა. მას შემდეგ შვეიცარიის სუპერლიგაში 16 მატჩი ჩაატარა და 1 გოლი შეაგდო. გარდა ამისა მის ანგარიშზე 4 საგოლე პასია, რაც 19 წლის ფეხბურთელისთვის შესანიშნავი შედეგია.
ხარაბაძემ მეოთხე საგოლე პასი სეზონის დასკვნით მატჩში ''სენტ. გალენთან'' შეასრულა.
10-გუნდიან ჩემპიონატში ''ციურიხი'' 44 ქულით მე-7 ადგილზე გავიდა, ხოლო ოთარ კაკაბაძის ''ლუცერნმა'' 46 ქულით მე-5 ადგილი დაიკავა. სეზონის დასკვნით ტურში ''იანგ ბოიზმა'' შინ ''ლუცერნი'' 4:0 გაანადგურა. სტუმართა შორის ოთარ კაკაბაძეს არ უთამაშია, მან მთელი მატჩი სათადარიგოთა სკამზე გაატარა.
