ბასილაშვილმა ცონგა დაამარცხა და ლიონის ტურნირის ნახევარფინალშია!
ლიონში მიმდინარე 250-იანთა კატეგორიის ტურნირზე პირველ ნომრად განთესილმა ნიკოლოზ ბასილაშვილმა ფრანგი ჟო ვილფრიდ ცონგა ორ სეტში 6:4, 6:4 დაამარცხა და ნახევარფინალში გავიდა!
ნიკამ შეხვედრა მოულოდნელად სუსტად დაიწყო და თავისი მოწოდებაც დათმო. 0:2-ის შემდეგ ქართველმა ჩოგბურთელმა შეცდომები გამოასწორა და ცონგას უბრალოდ შანსი არ დაუტოვა.
The top seed is semi-final bound in Lyon ????????
— ATP Tour (@ATP_Tour) May 23, 2019
Nikoloz Basilashvili defeats Tsonga 6-4, 6-4 to advance at the #OpenParc ????
????: @TennisTV pic.twitter.com/8A5lLNteZX
აღსანიშნავია ბასილაშვილის კარგი თამაში მიღებაზე. ცონგას უძლიერეს ჩაწოდებებს საკმაოდ კარგად უმკლავდებოდა და ხანგრძლივ გათამაშებებში ფრანგს უშანსოდ ტოვებდა.
შეხვედრა 1 საათსა და 20 წუთს გაგრძელდა.
შეგახსენებთ, რომ ბასილაშვილი ლიონის ტურნირზე პირველ ნომრად არის განთესილი.
საპრიზო ფონდი 501 345 ევრო გახლავთ. გამარჯვებული 85 945 ევროს მიიღებს, ფინალისტი - 45 265.
ბასილაშვილს შარშან ლიონში არ უთამაშია და აქედან გამომდინარე მას ქულები დასაცავი არ აქვს.
