სენსაციური მარცხი - აბიმ ტოჩინოშინი დოჰიოდან გადააგდო
„ნაცუ ბაშოს“ მე-11 სატურნირო დღეს ტოჩინოშინი მე-4 მაეგაშირა აბის დაუპირისპირდა და მოულოდნელად ჰატაკიკომის ილეთით დამარცხდა.
პირველი კონტაქტის შემდეგ ლევანმა წონასწორობა დაკარგა და აბიმ მისი დოჰიოდან გადაგდება შეძლო.
ლევან გორგაძესა და აბის დღემდე სულ 3 ბრძოლა ჰქონდათ გამართული და ყველა ჯერზე გამარჯვებული ქართველი იყო.
ტოჩინოშინის ხვალინდელი მეტოქე დასავლეთის მე-7 მაეგაშირა მეისეი იქნება, რომელსაც ლევანი კარიერაში პირველად შეხვდება.
მიმდინარე ბაშოზე მეისეის ანგარიშზე 7 გამარჯვება და 4 მარცხია.
ლევანს ოძეკის წოდების დასაბრუნებლად მხოლოდ 1 გამარჯვება სჭირდება.