ქვილითაიას სწრაფი გოლი ბრიუსელის ''ანდერლეხტთან''
ბელგიის ელიტარული საფეხბურთო ჩემპიონატის საუკეთესო ექვსეულის მე-10 ტურში ''გენტისა'' და ''ანდერლეხტის'' შეხვედრის მეორე წუთზე გიორგი ქვილითაიამ ანგარიში გახსნა. საქართველოს ეროვნული ნაკრების შემტევმა კონტრშეტევაში მიიღო მონაწილეობა, თავად დაასრულა და ''გენტი'' უშუალო კონკურენტთან შეხვედრაში დააწინაურა.
ქვილითაიამ მიმდინარე წლის 16 თებერვალს ''ბევერენს'' გაუტანა და მას შემდეგ გოლი გატანილი არ ჰქონდა. ფეხბურთელმა უგოლო სერია ''ანდერლეხტთან'' შეწყვიტა. შეხვედრა "გენტის" გამარჯვებით 2:1 დასრულდა. ქვილითაია 78_ე წუთზე შეცვალეს.
2': KVILITAIAAAAAAAA !! WAT EEN START !! 1-0 !!#gntand #PO1 pic.twitter.com/s4HDpjRAzD
— KAA Gent (@KAAGent) May 19, 2019
25 წლის თავდამსხმელმა მიმდინარე სეზონში ბელგიის ჩემპიონატში მე-11 მატჩში მეოთხე გოლი გაიტანა.
ფოტო: kaagent.be