ბილიჩი ''სელტიკთან'' მოლაპარაკებისთვის მზადაა
ხორვატი სპეციალისტი სლავენ ბილიჩი მზადაა გლაზგოს ''სელტიკთან'' მოლაპარაკება გამართოს თუ ნილ ლენონი შოტლანდიურ კლუბთან ხელშეკრულებას არ გაახანგრძლივებს. ინფორმაციას SkySports-ი ავრცელებს.
2019 წლის თებერვალში ''სელტიკი'' ბრენდან როჯერსმა დატოვა და ''სუონსიში'' წავიდა. მისი ადგილი ნილ ლენონმა დაიკავა, რომელმაც ''სელტიკთან'' კონტრაქტი მიმდინარე სეზონის ბოლომდე გააფორმა.
Sky Sports News understands former #WHUFC manager Slaven Bilic would be interested in talking to Celtic, if they decide against offering Neil Lennon a deal
— Sky Sports News (@SkySportsNews) May 14, 2019
50 წლის ბილიჩმა, რომელსაც ნისლიან ალბიონზე 2015-17 წლებში ''ვესტ ჰემის'' მთავარი მწვრთნელის პოსტზე უმუშავია, მიმდინარე წელს საუდის არაბეთის კლუბი ''ალ-იტიჰადი'' დატოვა. ამჟამად ბილიჩი თავისუფალი აგენტია.
ბილიჩს ''ნისლიან ალბიონზე'' თამაშის გამოცდილებაც აქვს, 1996-97 წლებში ''ვესტ ჰემისთვის'' ასპარეზობდა, 1997-99 წლებში კი ''ევერტონის'' ფეხბურთელი იყო.
ბილიჩი ასევე წვრთნიდა სპლიტის ''ჰაიდუკს,'' ხორვატიის 21-წლამდე ნაკრებს, ხორვატიის ეროვნულ ნაკრებს, მოსკოვის ''ლოკომოტივსა'' და თურქულ ''ბეშიქთაშს.''