ხარაიშვილი საგოლე პასით დაბრუნდა და ''გიოტებორგი'' მარცხს გადაურჩა
შვედეთის საფეხბურთო ჩემპიონატის 2019 წლის სეზონის მე-5 ტურში ''კალმარისა'' და ''გიოტებორგის'' შეხვედრა ფრედ 1:1 დასრულდა.
მესამე ტურში ''იურგორდენთან'' მიღებული წითელი ბარათის გამო გიორგი ხარაიშვილმა ''ჰელსინგბორგთან'' შეხვედრა გამოტოვა და ''გიოტებორგს'' ''კალმართან'' შეხვედრაში დაუბრუნდა.
22 წლის ნახევარმცველმა მოედანზე 90 წუთი გაატარა და 88-ე წუთზე საგოლე გადაცემა შეასრულა, მის შესრულებულ კუთხურს სომხეთის ეროვნული გუნდის მცველის, ანდრე ცალისირის თავური დარტყმა მოჰყვა და ''გიოტებორგი'' მარცხს გადაურჩა.
გიორგი ხარაიშვილმა, რომელიც შვედურ კლუბში მეორე სეზონს ატარებს, მიმდინარე სეზონში შვედეთის ჩემპიონატში 4 მატჩი ჩაატარა და პირველი საგოლე გადაცემა შეასრულა.
Matchen i Kalmar slutar oavgjort 1-1. #ifkgbg pic.twitter.com/8lwodfI0fm
— IFK Göteborg (@IFKGoteborg) April 25, 2019
მიმდინარე სეზონში ''გიოტებორგმა'' საწყისი ხუთი ტურიდან 2 მატჩი მოიგო, ორ შეხვედრაში დამარცხდა და ''კალმართან'' 1 ქულა აიღო.
მე-6 ტურში ''გიოტებორგის'' მეტოქე აიკ-ი იქნება. მატჩი 29 აპრილს გაიმართება.
Och så en snabb titt på tabellen ???? #Allsvenskan pic.twitter.com/wvEQy2PM9U
— Allsvenskan (@AllsvenskanSE) April 26, 2019
მთავარ ფოტოზე: ''გიოტებორგის'' მთავარი მწვრთნელი პოია ასბაგი და გუნდის ერთ-ერთი წამყვანი მოთამაშე გიორგი ხარაიშვილი
ფოტო: ifkgoteborg.se
