ფოლაუ ნაკრებიდან მოკვეთეს
ავსტრალიის რაგბის კავშირმა ისრაელ ფოლაუ ნაკრებიდან დაითხოვა.
გასულ კვირას ავსტრალიული რაგბის ლეგენდამ ინსტაგრამზე დაწერა , რომ „ყველა გეი ჯოჯოხეთში მოხვდება“
რაგბის კავშირმა ფოლაუ ჰომოფობიაში დაადანაშაულა.
ამ გადაწყვეტილებით მორაგბე იაპონიაში გასამართ მსოფლიო თასს გამოტოვებს.
შეგახსენებთ, რომ ავსტრალიის ნაკრები „ბორჯღალოსნებთან“ ერთად D ჯგუფში იმყოფება.
სპორტსმენმა ეროვნულ ნაკრებში 62 შეხვედრა გამართა, სადაც ლელო 32-ჯერ დადო.
ასევე მორაგბე „უოროტას“ რიგებში ასპარეზობდა და 2014 წელს კლუბთან ერთად „Super Rugby“-ის ტიტული მოიპოვა.
