მაკარიძემ ''ბენფიკასთან'' პენალტი მოიგერია
საქართველოს ეროვნული ნაკრებისა და პორტუგალიური ''სეტუბალის'' ქართველმა მეკარემ გიორგი მაკარიძემ ლისაბონის ''ბენფიკასთან'' გასვლით შეხვედრაში პენალტი მოიგერია.
29-ე წუთზე ''დე ლუიზზე'' მაკარიძემ პორტუგალიელი ფეხბურთელის, პიცის დარტყმა მოიგერია და გუნდი გოლის გაშვებისგან იხსნა. მაკარიძის თანაგუნდელს საკუთარ საჯარიმოში ბურთი ხელზე მოხვდა, აღსანიშნავია, რომ პენალტის დარტყმა ვიდეორეფერის ჩარევის შემდეგ გადაწყდა.
პირველი ტაიმი ''ბენფიკას'' გამარჯვებით 2:1 დასრულდა. პირველ ნახევარში გიორგი მაკარიძემ 3 სეივი შეასრულა. პენალტის გარდა 31-ე წუთზე მაკარიძემ ახლო მანძილიდან დარტყმული ფეხით მოიგერია.
გაშვებულ გოლებში მაკარიძის დადანაშაულება საფუძველს მოკლებულია, რადგან ''სეტუბალის'' დაცვის ხაზმა ძალიან სუსტად იმოქმედა.
შესვენების შემდეგ 56-ე წუთზე ''სეტუბალის'' ფეხბურთელებმა ბურთი საკუთარ ნახევარზე დაკარგეს, სწრაფი კონტრშეტევა კი გოლით დასრულდა, ჟოაო ფელიშმა მაკარიძეს ახლო მანძილიდან გაუტანა და ანგარიში მასპინძელთა სასარგებლოდ 3:1 გახდა.
João Félix scores against Vitória de Setúbal and celebrates with Hugo Félix! pic.twitter.com/I1HKSatLSY
— Benfica Youth (@BenficaYouth) April 14, 2019
მაკარიძის კარში მეოთხე გოლი 77-ე წუთზე შვეიცარიელმა ჰარის სეფეროვიჩმა შეაგდო და ანგარიში 4:1 გახდა.
GOOOOLLLLLOOOO !!
— Fans de SL Benfica (@FansdeSLBenfica) April 14, 2019
Seferović | 77’ minutos
SL Benfica 4-1 Vitória Setúbal #SLBVFC #Reconquista #CarregaBenfica pic.twitter.com/vLSxJusnBR
საბოლოოდ მატჩი ''ბენფიკას'' გამარჯვებით 4:2 დასრულდა. ლისაბონური კლუბი ''პორტუსთან'' ერთად გათამაშებას ლიდერობს, ხოლო ''სეტუბალი'' 16-გუნდიან ჩემპიონატში 31 ქულით მე-11 ადგილზეა და გასავარდნ ზონას 4 ქულით უსწრებს.
მაკარიძემ მოედანზე 90 წუთი გაატარა და 4 ''სეივი'' შეასრულა.
შეხვედრის მიმდინარეობისას ვებგვერდმა goalpoint.pt-მა twitter-ის გვერდზე გამოაქვეყნა ვიქტორინა მატჩის საუკეთესო ფეხბურთელის გამოსავლენად. საუკეთესო ოთხეულში ჟოაო ფელიშთან, რაფა სილვასთან და ჰარის სეფეროვიჩთან ერთად ქართველი მეკარეც მოხვდა.
???????? Benfica ???? Vitória Setúbal
— GoalPoint.pt ⚽ (@_Goalpoint) April 14, 2019
Melhor em campo? ⭐#LigaNOS #SLBVFC #Reconquista #VitóriaSempre #RatersGonnaRate
