NBA-ის მატჩების მიმოხილვა
სან ანტონიო - გოლდენ სტეიტი 111 – 105
გრეგ პოპოვიჩის „სან ანტონიო“ სეზონის დასკვნით ნაწილს ბრწყინვალედ ატარებს. „სპურსის“ კალათბურთელებმა მიჯრით მეცხრე მოგება მიითვალეს და ამჯერად „გოლდენ სტეიტის“ წინააღმდეგობა დაძლიეს.
„სპურსს“ 26 ქულით დემარ დეროუზენმა ულიდერა. ლამარკუს ოლდრიჯმა აქტივში 23 ქულა და 13 მოხსნა მიითვალა. რუდი გეი 17 ქულას დასჯერდა, პეტი მილსი კი 10 ქულით გამოირჩა.
„მეომრების“ რიგებში საუკეთსო სტეფ კარი გახლდათ, რომელმაც 25 ქულა დააგროვა. კევინ დურანტმა 24 ქულასა და 5 მოხსნას მოუყარა თავი, კლეი ტომპსონი კი 14 ქულას დასჯერდა.
ბოსტონი - დენვერი 105 – 114
კაირი ირვინგის „ბოსტონი“ გაცემულ ავანსებს ნამდვილად ვერ ამართლებს. „კელტებმა“ მორიგი შეხვედრა დათმეს და ამჯერად ნიკოლა იოკიჩის „დენვერთან“ დამარცხდნენ.
„ნაგეთსის“ რიგებში საუკეთესო სწორედ სერბი კალათბურთელი გახლდათ. მან აქტივში 21 ქულა, 13 მოხსნა და 7 შედეგიანი გადაცემა ჩაიწერა. უილ ბარტონი 20 ქულით გამოირჩა. გერი ჰერისი კი 16 ქულას დასჯერდა.
“ბოსტონს“ კაირი ირვინგმა ულიდერა და 30 ქულა დააგროვა. ელ ჰორფორდმა თავი 20 ქულას მოუყარა. მარკუს მორისმა კი მატჩი 13 ქულით დაასრულა.
სხვა მატჩების შედეგები
კლივლენდი - დეტროიტი 126 – 119
ვაშინგტონი - იუტა 95 – 116
ტორონტო - ნიუ იორკი 128 – 92
ოკლაჰომა - მაიამი 107 – 116
დალასი - ნიუ ორლეანი 125 – 129
ფინიქსი - ჩიკაგო 101 – 116
პორტლენდი - ინდიანა 106 – 98