მამუკელაშვილმა კარიერის საუკეთესო მატჩი მოქმედ ჩემპიონ “ვილანოვასთან” ჩაატარა
საქართველოს ეროვნული ნაკრების წევრმა, სანდრო მამუკელაშვილმა ამერიკის სტუდენტურ ლიგაში კარიერის საუკეთესო მატჩი ჩაატარა. NCAA-ის მოქმედ ჩემპიონ “ვილანოვასთან” მატჩში 19 წლის ქართველმა ფორვარდმა 12 ქულა და 18 მოხსნა მოაგროვა და “სეტონ ჰოლს” სეზონის ყველაზე მნიშვნელოვანი გამარჯვება მოაპოვებინა – 79:75.
სანდრო ტრადიცულად სასტარტო ხუთეულში გამოჩნდა. ქართველმა ფორვარდმა 10-დან 5 ორქულიანი და 2-ვე საჯარიმო ჩააგდო, 2 სამქულიანი ააცილა, ბურთი 2-ჯერ დაკარგა და 3 პერსონალური ფოლი მიიღო. სანდროსთვის მოხსნებში ორივე ხსენებული მაჩვენებელი ჩვენებურისთვის სარეკორდოა.
“სეთონ ჰოლმა” ბიგ ისთის კონფერენციის რეგულარული ჩემპიონატი 9-9 მოგება-წაგებით დაასრულა მე-4 ადგილი დაიკავა. ჯამში 4 გუნდი – სეტონ ჰოლი, ჯორჯტაუნი, კრეიტონი და ქსავიერი აღმოჩნდა 9-9 მოგებ-წაგებით, მამუკელაშვილის გუნდს კი მხოლოდ ჯორჯტაუნმა აჯობა. მცირე პაუზის შემდეგ Big East-ის კონფერენციის პლეი ოფი დაიწყება.