ჭანტურიშვილის დებიუტი გადაიდო
ჩეხეთის ელიტარული საფეხბურთო ჩემპიონატი განახლდა. მე-20 ტურში ''ზლინი'' შინ ''სლოვაცკოსთან'' 0:1 დამარცხდა. აღნიშნულ მატჩში ''ზლინის'' ქართველ ახალწვეულს, ვახტანგ ჭანტურიშვილს არ უთამაშია. საქართველოს ეროვნული ნაკრების ფეხბურთელმა CrystalSport-თან საუბარში აღნიშნა, რომ ტრავმა აწუხებს და გუნდის სავარჯიშო პროცესს ჩამოშორებულია, ამ ეტაპზე უცნობია როდის ჩაატარებს 25 წლის ნახევარმცველი ჩეხურ კლუბში სადებიუტო მატჩს.
Vstup do jarní části @fortunaligacz nám bohužel nevyšel. pic.twitter.com/I2Hg5bPftb
— FC FASTAV Zlín (@footballzlin) 9. února 2019
16-გუნდიან ჩემპიონატში ''ზლინი'' 30 ქულით მე-6 ადგილზეა, საუკეთესო სამეულს მხოლოდ 6 ქულით ჩამორჩება.
შეგახსენებთ, ზამთრის სატრანსფერო ფანჯრისას ჭანტურიშვილი სლოვაკეთის მოქმედ ჩემპიონ ''სპარტაკიდან'' ჩეხურ კლუბში გადავიდა.მას ასევე უთამაშია უკრაინულ ''ოლექსანდრიაში,'' თბილისის ''დინამოსა'' და ''ზესტაფონში.''
Naše nová posila! ???? pic.twitter.com/dzW1k3rCC0
— FC FASTAV Zlín (@footballzlin) 11. ledna 2019
ფოტო: fcfastavzlin.cz
