მორატა ''ატლეტიკოში'': ''დავბრუნდი იქ, სადაც ფეხბურთის თამაში დავიწყე''
ლონდონის ''ჩელსიმ'' ალვარო მორატა მადრიდის ''ატლეტიკოში'' გაანათხოვრა. Sky Sports-ის ცნობით ფეხბურთელმა ახალ კლუბში სამედიცინო შემოწმება წარმატებით გაიარა.
????⚕️ Signing imminent?
— Sky Sports News (@SkySportsNews) January 27, 2019
Alvaro Morata was pictured in Madrid after finishing a medical ahead of a loan move to @Atleti from Chelsea.
More here: https://t.co/thtZYTw9jQ pic.twitter.com/5dxDX62IHn
მორატა 2005-07 წლებში ''ატლეტიკოს'' საფეხბურთო სკოლაში ირიცხებოდა, შემდეგ ''ხეტაფეს'' სკოლაში გააგრძელა ასპარეზობა, 2008-14 წლებში კი მადრიდის ''რეალის'' წევრი იყო. სწორედ ''სამეფო კლუბში'' გადადგა პირველი ნაბიჯი პროფესიულ ფეხბურთში. 2014 წელს ''რეალმა'' მორატა ტურინის ''იუვენტუსში'' გაყიდა, თუმცა 2016 წელს დაიბრუნა. 2017 წელს ''არისტოკრატებმა'' ფეხბურთელი მადრიდული გრანდიდან შეიძინეს.
მიმდინარე სეზონში მაურიციო სარის ხელმძღვანელობით მორატამ პრემიერლიგის 16 შეხვედრაში 5 გოლი გაიტანა.
ოფიციალური წარდგენისას მორატას თქმით ნორმალურია ქომაგთა ნაწილის პროტესტი, რაც იმ ფაქტს უკავშირდება, რომ ფეხბურთელი წლების განმავლობაში ''ატლეტიკოს'' ყველაზე პრინციპული მეტოქის, ''რეალის'' თავდამსხმელი იყო.
Goal.com-ი მორატას კომენტარს ავრცელებს: ''მოუთმენლად ველი ახალ გუნდში ვარჯიშის დაწყებას. ამ დღეს კარგა ხანია ველოდი. წარსული წარსულია და ის არ შეიცვლება. მე ამაყი ვარ ჩემი წარსულით. ვინც იცის ჩემი წარსული, მან იცის რომ ფეხბურთის თამაში ''ატლეტიკოში'' დავიწყე. ვინც იცის ჩემი ისტორია, მან იცის რას ნიშნავს ეს კლუბი ჩემთვის.''
OFFICIAL: Alvaro Morata has passed his Atlético Madrid medical. Paperwork to be done then the deal is finalised! ⏳ pic.twitter.com/BFDA0FXV0d
— Mozo Football (@MozoSports) January 27, 2019
