ბითაძეს 4 ქულა ბელგარდში მოგებულ მატჩში
გოგა ბითაძის “ბუდუჩნოსტმა” ადრიატიკის მორიგ ტურში FMP-ს სტუმრად, ბელგრადში მოუგო, ქართველმა ცენტრი კი ამ მატჩში პერსონალურების ლიმიტის გამო მხოლოდ 14:34 წუთი ითამაშა.
სერბულმა კლუბმა მონტენეგრულს წინააღმდეგობა ვერ გაუწია და 70:87 დამარცხდა.
ქართველი ლეგიონერი თამაშში სათადარიგოთა სკამიდან ჩაერთო და 4 ქულა, 8 მოხსნა და 1 დაფარება მიითვალა.
“ბუდუჩნოსტმა” 10 მოგება და 5 მარცხი მოაგროვა და ადრიატიკის ლიგის სატურნირო ცხრილში მე-3 პოზიციაზე გადაინაცვლა.
ბითაძეს გუნდი მომდევნო მატჩს 21 იანვარს, შინ, მეორე ადგილზე მყოფ ხორვატულ “ცედევიტასთან” ჩაატარებს.
მანამდე, 18 იანვარს, ევროლიგის ეგიდით, პოდგორიცელები მადრიდის “რეალს” უმასპინძლებენ.