NBA-ს რეკორდი: ჰარდენის უნიკალური სამმაგი დუბლი! "ბაბუაწვერა" და კობი...
გამთენიისას NBA-ში "ჰიუსტონ როქეთსმა" "კლივლენდ კავალიერსს" უმასპინძლა და დამაჯერებლად 141:113 გაიმარჯვა.
გარდა იმისა, რომ მატჩი სანახაობრივი გამოდგა და ჯამში 254 ქულა ჩავარდა, ტეხასელმა "ბაბუაწვერამ" ლიგის რეკორდი დაამყარა.
ჯეიმს ჰარდენი გახდა NBA-ს ისტორიაში პირველი მოთამაშე, რომელსაც 40-ქულიანი სამმაგი დუბლის შესასრულებლად ნახევარი საათიც კი არ დასჭირდა.
ჰარდენმა 29:34 წუთში 43 ქულა, 12 პასი, 10 მოხსნა, 2 ართმევა და 2 ბლოკი გაიფორმა.
მიმდინარე სეზონში 29 წლის კალათბურთელი საშუალოდ 37,1 წუთში, ერთ შეხვედრაში 34,1 ქულას, 8,7 პასს, 6,1 მოხსნას, 2 ართმევასა და 0,6 ბლოკს აკეთებს.
ასევე აღსანიშნავია, რომ ჯეიმს ჰარდენი ბოლო 15 შეხვედრაში საშუალოდ 40,5 ქულას აგროვებს. მსგავსი შედეგი NBA-ში 1976 წლის შემდეგ მხოლოდ კობი ბრაიანტს ჰქონდა.
After tonight's performance, James Harden is averaging 40.5 PPG over his last 15 games. Harden and Kobe Bryant are the only players with such a stretch since 1976. pic.twitter.com/IZPPtBaUSm
— NBA.com/Stats (@nbastats) January 12, 2019
"ჰიუსტონ როქეთსი" ამ გამარჯვების (ჯამში 24) შემდეგ დასავლეთ კონფერენციაში მე-6 პოზიციას იკავებს.
ჰარდენი და კომპანია მომდევნო შეხვედრას 13 იანვარს სტუმრად "ორლანდოსთან" ჩაატარებს.