ბრწყინვალე საჩუქარი ნეიმარს დაბადების დღეზე
შესანიშნავი სიურპრიზი მოუმზადეს კატალონიური "ბარსელონას" სუპერვარსკვლავ ნეიმარს, რომელიც ხვალ, 5 თებერვალს 24 წლისა სრულდება.
როგორც გუშინ გახდა ცნობილი, ორლანდოში მდებარე მუზეუმ Madame Tussauds-ში ფეხბურთელის ცვილის ქანდაკებას დადგამენ.
"დღეს ჩემთვის უმნიშვნელოვანესი დღეა, ორლანდოში მსოფლიოში ცნობილ მუზეუმში მოხვედრა უდიდესი პატივია. ერთი სული მაქვს როდის ვიხილავ ჩემს ცვილის ფიგურას Madame Tussauds-ში". - აღფრთოვანებით აცხადებს ფეხბურთელი.
გეტყვით იმასაც, რომ ორლანდოში მდებარე Madame Tussauds-ში სპორტსმენთაგან უკვე არის დევიდ ბექჰემის, სერენა უილიამსის, ტაიგერ ვუდსისა და შაკილ ო'ნილის ფიგურები.