ყაზანის ''რუბინი'' ლაშა დვალით დაინტერესდა

პოლონური ''პოგონის'' ქართველი ფეხბურთელი ლაშა დვალი შესაძლოა ყაზანის ''რუბინის'' ფეხბურთელი გახდეს. რუსულ მედიაში გავრცელებული ინფორმაციით რუსულ კლუბს დვალის შეძენა სურს.

crystalsport-ის ინფორმაციით რუსულ მედიაში გავრცელებული ინფორმაცია სიმართლეს შეესაბამება, თუმცა ამ ეტაპზე მხარეებს შორის მოლაპარაკება არ დაწყებულა. 

''რუბინის'' მთავარი მწვრთნელი ყურბან ბერდიევია. ყაზანური კლუბი პრემიერლიგაში 25 ქულით მე-6 ადგილს იკავებს.

დვალმა მიმდინარე სეზონში პოლონეთის ჩემპიონატის 13 შეხვედრაში 1 გოლი შეაგდო. გერმანული ''დუისბურგის,'' ვროცლავის ''შლიონსკისა'' და თურქული ''ქასიმფაშას'' ყოფილმა მოთამაშემ ერთა ლიგის 2 მატჩში მიიღო მონაწილეობა.

მოთამაშის სიმაღლე 191 სანტიმეტრია. მან 2017 წელს ნახევარი სეზონი ყაზახურ ''ირტიშში'' გაატარა.