ფაჩულიას 8 ქულა და "დეტროიტის" მარცხი "ფილადელფიასთან"
ზაზა ფაჩულიას "დეტროიტმა" ზედიზედ მესამე მარცხი იწვნია.
"პისტონსი" შინ "ფილადელფიასთან" დაძაბულ ბრძოლაში 111:117 დამარცხდა.
ფაჩულია შეხვედრაში თადარიგიდან ჩაერთო და პარკეტზე 14 წუთი დაჰყო რა დროშიც მისი მონაგარი 8 ქულა, 5 მოხსნა, 3 გადაცემა და 1 ჩაჭრა მიითვალა.
ქართველი ცენტრი ურიგოდ არ გამოიყურებოდა და შეხვედრაში რამდენიმე დასამახსოვრებელი მომენტიც შექმნა.
ზაზას საუკეთესო მომენტები
მატჩის საუკეთესო მოთამაშე ჯიმი ბატლერი იყო. "სიქსერსის" ლიდერმა 38 ქულა ჩააგდო. ბენ სიმონსის ანგარიშზე ორმაგი დუბლი იყო - 18 ქულა, 14 მოხსნა.
"დეტროიტელთა" რიგებში ბლეიკ გრიფინი გამოირჩა, რომელმაც ასევე ორმაგი დუბლი გაიფორმა - 31 ქულა, 12 მოხსნა. მოწოდების სიმაღლეზე იყო ანდრე დრამონდიც - 21 ქულა, 10 მოხსნა.
"დეტროიტი" ამ მარცხის შემდეგ აღმოსავლეთ კონფერენციაში 13 მოგებითა და 10 მარცხით მე-6 პოზიციაზე იმყოფება.
ზაზა და კომპანია მომდევნო შეხვედრას 10 დეკემბერს შინ "ნიუ ორლეანთან" გამართავენ.
Zaza hustles to start the @DetroitPistons break!
— NBA (@NBA) December 8, 2018
Quick 8-3 DET burst in the 4th on @ESPNNBA.#DetroitBasketball 98#HereTheyCome 92 pic.twitter.com/brwR3Kh9FL
ტურის სხვა შეხვედრები ასე დასრულდა:
მილუოკი - გოლდენ სტეიტი 95:105
ფინიქსი - მაიამი 98:115
სან ანტონიო - ლეიკერსი 133:120
ჩიკაგო - ოკლაჰომა 114:112
ნიუ ორლეანი - მემფისი 103:107
ბრუკლინი - ტორონტო 106:105 (ო.ტ. 98:98)
კლივლენდი - საკრამენტო 110:129
შარლოტი - დენვერი 113:107
ორლანდო - ინდიანა 90:112
