სესკ ფაბრეგასმა ჰადსონ-ოდოის ინტერვიუ „ჩაშალა“
ევროპა ლიგის ეგიდით, „პაოკთან“ გამართული დაპირისპირება კალუმ ჰადსონ-ოდოისთვის დაუვიწყარი გამოდგა. 18 წლის ფეხბურთელი „არისტოკრატების“ ძირითად შემადგენლობაში კარიერაში მეორედ გამოვიდა და „ლურჯების“ მაისურით პირველი ბურთის შეგდებაც მოახერხა.
ჰადსონ-ოდოიმ სესკ ფაბრეგასის გადაცემა მიიღო, რამდენიმე მოძრაობა გააკეთა და შემდეგ მეკარეს ახლო კუთხეში გაუტანა.
გასაკვირი სულაც არ ყოფილა, რომ მატჩის შემდეგ მასთან ინტერვიუს ჩასაწერად “Chelsea TV“-ის ჟურნალისტები მივიდნენ, თუმცა ყველაფერი საკმაოდ უცნაურად წარიმართა.
კალუმი საკუთარ სიხარულს მასმედიის წარმომადგენლებს უზიარებდა და შეხვედრის მნიშვნელობაზე საუბრობდა, როცა მასთან სესკ ფაბრეგასი მივიდა...
'Who gave you your first ever goal for Chelsea?' ????@cesc4official on hand with another assist tonight! ???? #CFCvPAOK pic.twitter.com/HsFOzr16IZ
— Chelsea FC (@ChelseaFC) November 29, 2018
ჰადსონ-ოდოი: „დამსახურებული გამარჯვება მოვიპოვეთ. დიდი სამუშაო გავწიეთ და სამი ქულა დავისაკუთრეთ“...
ესპანელი ფეხბურთელი კადრში ზუსტად ამ დროს გამოჩნდა და კალუმს ასეთი კითხვით მიმართა: „ჰეი, ვინ დაგეხმარა „ჩელსიში“ სადებიუტო გოლის გატანაში“?
ჰადსონ-ოდოი: „ჩელსიში“ პირველი გოლი სესკის ასისტით გავიტანე. დიდი მადლობა“.
ფაბრეგასი: „ყოველთვის გემახსოვრები არა“?!
„ჰადსონ-ოდოი: „ყოველთვის! ყოველთვის“!