ფეკირი "ჩელსიში"?
„ნისლიან ალბიონზე“ გავრცელებული ინფორმაციით „ლონდონის ჩელსი“ ნაბილ ფეკირის გადმობირებითაა დაინტერესებული. როგორც ბრიტანული გამოცემები იუწყებიან მაურიციო სარი ფრანგ ფეხბურთელს თავად დაუკავშირდა და სამომავლო გეგმები გააცნო.
The Sun - ის ცნობით „არისტოკრატები“ „ლიონს“ ოფიციალური წინადადებით უახლოეს მომავალში მიმართავენ და ფეკირის სანაცვლოდ 50 მილიონ ფუნტს შესთვაზებენ.
„ჩელსის“ გარდა ნაბილის საკუთარ რიგებში ხილვა ევროპის რამდენიმე გრანდს სურს. ერთ-ერთი მათგანი „ბაიერნია“. გერმანული კლუბი ფრანგს დიდი ხანია აკვირდება და მისი თამაშით მოხიბლულია.
წლევანდელ სეზონში ფეკირი „ლიონის“ ერთ-ერთი ლიდერია. ფრანგული კლუბის მაისურით მან უკვე 4 გოლის გატანა მოახერხა და ორი შედეგიანი გადაცემაც მიითვალა.
შეგახსენებთ, რომ ზაფხულში ნაბილის გადმობირება „ლივერპულს“ სურდა, თუმცა რიგ მიზეზთა გამო ტრანსფერი ჩაიშალა.
