ისტორიაში პირველად - ლიბერტადორესის თასის ფინალში სუპერკლასიკო შედგება!
კოპა ლიბერტადორესის ისტორიაში პირველად მოხდა, რომ ფინალში ერთმანეთს „ბოკა ხუნიორსი“ და „რივერ პლეიტი“ შეხვდებიან.
„სუპერკლასიკო“ - ასე უწოდებენ ბოკასა და რივერის ჯახს. საუბარიც კი ზედმეტია თუ რამხელა მოვლენაა ეს სამხრეთ ამერიკული და კონკრეტულად არგენტინული ფეხბურთისთვის.
„პალმეირასისა“ და „ბოკას“ შეხვედრა ფრედ 2:2 დასრულდა და ორი მატჩის ჯამში არგენტინელებმა 4:2 გაიმარჯვეს.
Boca Juniors y River Plate se enfrentarán en histórica final de @Libertadores. ???? pic.twitter.com/IMNWBj1plu
— CONMEBOL.com (@CONMEBOL) November 1, 2018
ორმატჩიან დაპირისპირებაში გადამწყვეტი როლი დარიო ბენედეტომ ითამაშა, რომელმაც 3 გოლის გატანა შეძლო.
შეგახსენებთ, რომ „ბოკა“ ლიბერტადორესის თასის ფინალს ისტორიაში მეთერთმეტედ ითამაშებს. მათ ანგარიშზე 6 ჩემპიონობაა.
„ბოკა ხუნიორსისა“ და „რივერ პლეიტის“ ფინალური მატჩები 7 და 28 ნოემბერს გაიმართება.