სარდალიშვილის დუბლი ხუთწუთიან მონაკვეთში - ''ჩიხურამ'' ''დილა'' დაამარცხა
საქართველოს საფეხბურთო ჩემპიონატის, ეროვნული ლიგის 29-ე ტურში საჩხერის ''ჩიხურამ'' შინ, ივანწმინდაში გორის ''დილა'' 2:1 დაამარცხა. ამ გამარჯვებით ''ჩიხურამ'' 50 ქულა მოაგროვა, ''დილას'' 1 ქულით გაასწრო და მესამე ადგილი დაიკავა, ხოლო ''ჩიხურა'' მეოთხე პოზიციაზე ჩამოქვეითდა.
პირველი ტაიმის მიწურულს, ხუთწუთიან მონაკვეთში ''ჩიხურას'' შემტევმა მიხეილ სარდალიშვილმა დუბლი შეასრულა. 39-ე წუთზე სარდალიშვილმა კუთხური ჩიკვაიძესთან გაითამაშა, იმერული კლუბის ფორვარდმა ლუკა გუგეშაშვილს ახლო კუთხეში დაურტყა და ანგარიში გახსნა.
44-ე წუთზე რევაზ ჩიტეიშვილმა მარჯვენა ფლანგიდან ''დილას'' საჯარიმოში ჩააწოდა, სტუმართა მცველებმა და მეკარემ არადამეჯერებლად ითამაშეს, დასწრებაზე სარდალიშვილმა ზუსტად ითამაშა და დუბლი შეასრულა.
მარჯვენა ფლანგზე სუხიაშვილი-ჯოოფი-კოვტალიუკის შექმნილი კომბინაცია ნოდარ ქავთარაძის გოლით დასრულდა. ''ჩიხურას'' დაცვის ხაზი ჩავარდა და ქავთარაძემ ახლო მანძილიდან გაიტანა.
საჩხერის ჩიხურა - გორის დილა 2:1 (2:0)
19 ოქტომბერი, ივანწმინდა, ცენტრალური სტადიონი
გოლი: 1:0, 2:0 სარდალიშვილი (39, 44), 2:1 ქავთარაძე (63)
მთავარი მსაჯი: გ. კიკაჩეიშვილი
ფოტო: eliga.ge