NBA-ის გასული ტურის მატჩების მიმოხილვა

ჰიუსტონი - ნიუ ორლეანი 112 - 131

გამთენიისას ნაციონალურ საკალათბურთო ასოციაციაში მორიგი მატჩები გაიმართა. ტურის ცენტრალური შეხვედრა ტეხასში შედგა, სადაც ადგილობრივი „ჰიუსტონი“ „ნიუ ორლეანს“ დაუპირისპირდა და უშანსოდ 112-131 დამარცხდა.

The Beard with 15PTS/10AST/9REB ???? pic.twitter.com/tcoJZ5L0NP
— Houston Rockets (@HoustonRockets) October 18, 2018

„პელიკანსის“ რიგებში მიროტიჩი-დევისის დუეტი გამოირჩა. „ნიუ ორლეანის“ ლიდერმა 32 ქულა მოაგროვა, ნიკოლას ანგარიშზე კი 30 ქულა იყო. „პელიკანსის“ მაისურით პირველი მატჩი ჯულიუს რენდელმა გამართა, რომელსაც საკმაოდ წარმატებული დებიუტი გამოუვიდა და შეხვედრა 25 ქულითა და 8 მოხსნით დაასრულა.

„ჰიუსტონის“ რიგებში 21 ქულით საუკეთესო ერიკ გორდონი იყო. კარმელო ენტონიმ საშინლად ითამაშა და მხოლოდ 9 ქულასა და 4 მოხსნას დასჯერდა. რაც შეეხება „როქეთსის“ ლიდერს, ჯეიმს ჰარდენმა 18 ქულა, 10 გადაცემა და 9 მოხსნა მიითვალა.

NIKO, NIKO, NIKO

¡Qué manera de empezar la temporada!

30 PUNTOS
10 REBOTES
3 ASISTENCIAS
¡6/8 EN TRIPLES!

???????????? @threekola con los @PelicansNBA pic.twitter.com/CnJa36zT6a
— NBA Spain (@NBAspain) October 18, 2018

სან ანტონიო - მინესოტა 112 – 108

გრეგ პოპოვიჩის „სან ანტონიომ“ ახალი სეზონი გამარჯვებით დაიწყო. „სპურსმა“ საკუთარ კედლებში „მინესოტას“ უმასპინძლა და დაძაბულ ბრძოლაში 4 ქულიანი სხვაობით დაამარცხა.

Started off the season 1-0.#GoSpursGo pic.twitter.com/ntbuQqNDSE
— San Antonio Spurs (@spurs) October 18, 2018

ტეხასელთა რიგებში დემარ დეროუზენმა პირველ ოფიციალურ მატჩში თავის გამოჩენა მოახერხა და შეხვედრა 28 ქულით დაასრულა. ლამარკუს ოლდრიჯმა აქტივში 21 ქულა და 19 მოხსნა ჩაიწერა. რუდი გეიმ კი გუნდს 18 ქულა შესძინა.

„მინესოტას“ ბატლერი, უიგინსი, ტიგის ტრიომ ულიდერა. მათ ანგარიშზე ჯამში 70 ქულა იყო. კარლ-ენტონი თაუნსმა საშინლად იასპარეზა. „ტიმბერვულვზის“ ლიდერმა შეხვედრა 8 ქულითა და 9 მოხსნით დაასრულა.