უძლეველემა პოლონეთმა 10-კაციანი საქართველო დაამარცხა

ევროპის 21 წლამდე საფეხბურთო ჩემპიონატის შესარჩევ ციკლში საქართველოს ნაკრები მესამე ადგილზე გავიდა. გია ცეცაძის გუნდი დანიასა და პოლონეთს ჩამორჩა. შესარჩევი ციკლის მე-10 ტურში პოლონეთმა შინ 3:0 დაამარცხა საქართველო.

შეხვედრა გდინიაში, ლუკა ზარანდიას კლუბის, ''არკას'' საშინაო არენაზე გაიმართა.

Po awans ???? #u21 pic.twitter.com/S8VKLC2Ws7
— Kuba Polkowski (@kubapolkowski) October 16, 2018

დანია 23 ქულით პირველ ადგილზე გავიდა. სკანდინავიელებს პოლონელები 1 ქულით ჩამორჩნენ. პოლონეთმა 10 მატჩიდან 6 მოიგო, 4 ფრედ დაასრულა და შესარჩევი ციკლი დაუმარცხებლად განვლო. დანიის ნაკრები იტალიაში გასამართ ევროპის ჩემპიონატის ფინალურ ეტაპზე ითამაშებს, ხოლო პოლონეთი ფლეი ოფში იასპარეზებს.

ჩესლავ მიხნიევიჩმა გია გეგუჩაძესთან და გია ცეცაძესთან სამწვრთნელო დუელი იდენტური ანგარიშით მოიგო

შესარჩევი ციკლის დასკვნით ტურში პოლონეთმა გდინიაში 3:0 დაამარცხა საქართველო. გუნდებს შორის გამართული პირველი მატჩი ანალოგიური შედეგით დაფიქსირდა. პოლონელებმა გორში, ''თენგიზ ბურჯანაძეზე'' გია გეგუჩაძის გუნდს შანსი არ დაუტოვეს.

ქართველი ფეხბურთელები ჰიმნის შესრულებისას

გდინიაში 30-ე წუთზე გიორგი კუციამ წითელი ბარათი მიიღო და საქართველოს ნაკრებმა მატჩის დარჩენილი დრო რიცხვობრივ უმცირესობაში გაატარა.

ფინეთის ნაკრებთან გამარჯვების გოლის ავტორი ირაკლი ბუღრიძე პოლონეთთან სასტარტოში მოხვდა, თუმცა კუციას გაძევების გამო ცეცაძემ იძულებითი ცვლილება განახორციელა. 41-ე წუთზე ბუღრიძე ნინუამ შეცვალა. ნინუამ ფინეთთან მატჩი მცირე ტრავმის გამო გამოტოვა.

ბუღრიძე ახალგაზრდულ ნაკრებში სასტარტო თერთმეტეულში პირველად მოხვდა

პოლონელებმა ანგარიში 52-ე წუთზე გახსნეს, ფილიპ იაგიელოს დარტყმის შემდეგ ბურთი ანდრია გიორგაძეს მოხვდა. დარტყმის მიმართულების შეცვლის შემდეგ გუგეშაშვილმა მოგერიება ვერ მოახერხა. პოლონურმა სპორტულმა მედიამ გოლის ავტორად იაგიელო მიიჩნია, თუმცა უეფას ოფიციალური ვებგვერდი შეცდა და ბექა მიქელთაძის ავტოგოლი დააფიქსირა.

Poland - Georgia 3:0, Qualifying - Group 3
First goal: Andria Giorgadze 52 og pic.twitter.com/6LkdbOYPbf
— Dima Shariqadze (@shariqadzedima) October 16, 2018