"მილანი" ფელაინის აგენტს შეხვდება
როგორც „Football Italia” იუწყება, „მილანი“ ამ კვირაში „მანჩესტერ იუნაიტედის“ ბელგიელი ნახევარმცველის, მარუნ ფელაინის აგენტს შეხვდება და ეცდება, რომ ფეხბურთელი იტალიაში გადმოსვლაზე დაითანხმოს.
„როსონერის“ მყარად აქვს გადაწყვეტილი ფელაინის დამატება, თუმცა კლუბებს შორის შეთანხმება ჯერ-ჯერობით ვერ ხერხდება. ინგლისელები ბელგიელს 25 მილიონ ევროდ აფასებენ და მისი პირდაპირ გაყიდვა სურთ. იტალიელებს კი ფელაინის იჯარით აყვანა აქვთ გადაწყვეტილი და მის გამოსასყიდად მხოლოდ 19 მილიონის გადახდაზე არიან თანახმა.
