შაფათავამ იტალიაში წყვილთა ტურნირი მოიგო!
ქართველმა ჩოგბურთელმა, სოფია შაფათავამ იტალიის ქალაქ კალიარის მახლობლად მდებარე პატარა ქალაქ პულაში საერთაშორისო ტურნირი მოიგო.
შაფათავა და მისი მეწყვილე, ამინა ანშბა "სანტა მარგერიტა დი პულა"-ს 25 000-იან საერთაშორისო ტურნირზე პირველად ნომრად იყვნენ განთესილი და ფავორიტის სტატუსის გამართლება მოახერხეს.
ქართულ-რუსულმა დუეტმა ფინალამდე 3 შეხვედრა მოიგო, გადამწყვეტ მატჩში კი დი ჯუზეპე/რომანდინას იტალიურ წყვილს დაუპირისპირდა და 3 სეტში - 7:6; 2:6; 10:6 დაამარცხა.
შაფათავა ბოლო პერიოდში წყვილთა შორის გაცილებით ინტენსიურად თამაშობს და წელს მე-5 ტურნირი მოიგო, მათ შორის მე-2 უშუალოდ ანშბასთან ერთად.
ამინა ანშბა 19 წლისაა და აფხაზეთში გახლავთ დაბადებული, ტურნირებზე კი რუსეთის სახელით მონაწილეობს.