ბასილაშვილი ფედერერთან დამარცხდა

ქართველი ჩოგბურთელი ნიკოლოზ ბასილაშვილი "ავსტრალიის ღია პირველობის" საწყის რაუნდში დიდი სლემის 17 გზის ჩემპიონ როჯერ ფედერერთან "როდ ლეივერ არენაზე" საათსა და 12 წუთში 2:6 1:6 2:6 დამარცხდა. 

ბასილაშვილის ანგარიშზე 2 ეისი, 5 ორმაგი შეცდომა და 9 "ვინერსია", 23 წლის ქართველმა პირველ მოწოდებაზე ბურთების 52% მოიგო (44-დან 23), ბადესთან კი 55%-იანი სიზუსტით გავიდა (11-დან 6 მოგებული ქულა). ნიკოლოზმა ფედერერის ჩაწოდება ერთხელ აიღო, როჯერმა კი იგივე 8-ჯერ მოახერხა.

შვეიცარიელის შემდეგი მეტოქე უკრაინელი ალექსანდრ დოლგოპოლოვი იქნება.