ლობჟანიძის ბრწყინვალე გოლი ჯარიმიდან და მატჩის საუკეთესოს წოდება
დანიის სუპერლიგაში საბა ლობჟანიძემ შესანიშნავი მატჩი ჩაატარა. ''რანდერსმა'' შინ 2:0 დაამარცხა ''ვენდსისელი.'' გამარჯვებულთა შემადგენლობაში საბა ლობჟანიძემ სასტარტო თერთმეტეულში ითამაშა და 59-ე წუთზე შესანიშნავი სტანდარტული დარტყმით ანგარიში გახსნა.
''რანდერსის'' მხრიდან მეორე გოლი ნორვეგიელმა ბენჟამინ სტოკემ გაიტანა.
მატჩის საუკეთესო ფეხბურთელად საბა ლობჟანიძე დასახელდა. საბა 87-ე წუთზე შეცვალეს.
23 წლის ქართველმა შემტევმა სუპერლიგის მე-10 შეხვედრაში მესამე გოლი შეაგდო. ასევე მის ანგარიშზე 1 საგოლე პასია.
14-გუნდიან სუპერლიგაში ''რანდერსი'' 13 ქულით მე-6 ადგილზეა, ლიდერ ''კოპენჰაგენს'' მხოლოდ 6 ქულით ჩამორჩება.
ქართველი ფეხბურთელი ''რანდერსში'' მეორე სეზონს ატარებს.