შენგელიასა და ჯენინგის "ბასკონიამ" "ბარსელონა" დაამარცხა და ფინალში "რეალს" შეხვდება!
საქართველოს ნაკრების ლიდერის თორნიკე შენგელიას "ბასკონიამ" სეზონში პირველი ოფიციალური მატჩი გამართა და ესპანეთის სუპერ თასის ნახევარფინალში "ბარსელონას" სტუმრად 79:76 სძლია.
შეხვედრა სასტარტო ხუთეულში საქართველოს ნაკრების მეორე წევრმა მეტ ჯენინგმა დაიწყო, თოკო კი ამჯერად თადარიგში დარჩა.
ჯენინგმა 26 წუთსა და 50 წამში 6 ქულა, 2 მოხსნა და 1 გადაცემა მოაგროვა.
შენგელიამ პარკეტზე 14 წუთი და 52 წამი დაჰყო რა დროშიც მისი მონაგარი 7 ქულა, 4 მოხსნა და 2 გადაცემა იყო.
"ბასკონიას" რიგებში ყველაზე შედეგიანი 16 ქულით გარინო გახლდათ.
#KBAFCB | WOOOOOOOW @shields3uno
— Saski Baskonia (@Baskonia) September 21, 2018
???? 36-56
⏳ 6:56 3Q#SupercopaEndesa#GoazenBaskonia pic.twitter.com/LeNJJThqwx
მეორე ნახევარფინალურ წყვილში მადრიდის "რეალმა" "ობრადოირო" 81:61 დაამარცხა და ფინალში ითამაშებს.
ამრიგად, დღეს 21:15 საათზე სუპერ თასის ფინალში "ბასკონია" გასული სეზონის ტრიუმფატორს მადრიდის "რეალს" დაუპირისპირდება.
¡Final #SupercopaEndesa!
— Liga Endesa (@ACBCOM) September 21, 2018
???? @RMBaloncesto - @Baskonia
⌚ Sábado, 19:15
????️ Fontes do Sar
???? @vamos pic.twitter.com/tcieRLGX50
