პაპინაშვილი ნახევარფინალში გავიდა
ბაქოში სტარტი ძიუდოს მსოფლიო ჩემპიონატმა აიღო.
ტურნირის პირველ დღეს 60 კილოგრამ წონით კატეგორიაში ამირან პაპინაშვილი ნახევარფინალში გავიდა , სადაც რუსეთის სახელით მოასპარეზე რობერტ მშვიდობაძეს შეხვდება.
ქართველმა ძიუდოისტმა მიმდინარე მსოფლიოზე 4 ბრძოლა მოიგო და იქიდან სამჯერ იპონით.
პაპინაშვილმა ამნუელ მდავუ , იანისლავ გერჩევი , ორხან საფაროვი და ერიკ ტაკაბატაკე დაამარცხა.
ამავე წონაში ლუხუმ ჩხვიმიანი გათამაშებას მესამე წრეში გამოეთიშა , ქართველმა ძიუდოისტმა იაპონელ რიუჯუ ნაგაიამასთან შიდოებით წააგო.
მსოფლიო ცემპიონატის ფინალური ბლოკი თბილისის დროით 16:00 საათზე განახლდება
