ხეცურიანმა ევროპის ჩემპიონატზე ბრინჯაოს მედალი მოიპოვა

ირმა ხეცურიანმა კიდევ ერთი მედალი მოიპოვა.

ქართველმა პარამოფარიკავემ ამჯერად, იტალიის ქალაქ ტერნიში მიმდინარე ევროპის ჩემპიონატზე ბრინჯაოს მედალი დაისაკუთრა.

B კატეგორიაში ხმლით მოასპარეზეთა შორის ირმა ხეცურიანმა იტალიელი მარტა ნოჩენტი 15:8 დაამარცხა, ნახევარფინალში კი უნგრელ ბოგლარკა მეზოსთან დაძაბულ ბრძოლაში 13:15 წააგო.

საქართველოს პარამოფარიკავეთა ეროვნული ნაკრები ევროპირველობაზე ასპარეზობას განაგრძობს.

დღეს რაპირით ფარიკაობაში A კატეგორიის შეხვედრები ჩატარდება, სადაც მონაწილეობას ნინა თიბილაშვილი, გვანცა ზადიშვილი და მირანდა გიგაშვილი მიიღებენ.

დღეს ასევე რაპირით იასპარეზებს ირმა ხეცურიანიც და მორიგი მედლის მოპოივებას შეეცდება