"ჩელსის" ახალი სუპერწინადადება აზარს - სარი შიშობს, რომ ბელგიელი შესაძლოა წავიდეს
Goal-ის ინფორმაციით, ლონდონის „ჩელსის“ იტალიელი თავკაცი მაურიციო სარი ედენ აზარის თაობაზე კვლავ ღელავს და კლუბს ბელგიელის შენარჩუნებას სთხოვს.
წყაროს ცნობით, „ჩელსი“ ბელგიელ შემტევს ახალ კონტრაქტს უმზადებს, რომლის თანახმადაც ის კვირაში 300 ათას ფუნტს მიიღებს.
ამ ნაბიჯით „არისტოკრატებს“ აზარის გუნდიდან წასვლის შანსების მინიმუმამდე დაყვანა სურთ.
როგორც ცნობილია ედენ აზარის შეძენით მადრიდის „რეალი“ ინტერესდება, თუმცა სამეფო კლუბმა „ჩელსის“ მიერ მოთხოვნილი 200 მილიონი ფუნტის გადახდაზე უარი განაცხადა.
