ჯიღაურმა ფრანგულ კლუბში ''თბილისო'' იმღერა
ფრანგული ''გრენობლის'' ქართველმა ახალწვეულმა ჯაბა ჯიღაურმა კლუბის სადილზე რევაზ ლაღიძის ''თბილისო'' შეასრულა.
მსოფლიოს არაერთ კლუბშია ამგვარი ტრადიცია, როცა გუნდის ახალწვეულმა მისი სურვილით არჩეული სიმღერა უნდა შეასრულოს.
შეგახსენებთ, მიმდინარე ზაფხულში საქართველოს ეროვნული ნაკრების ფეხბურთელმა ყაზახური ''ორდაბასი'' დატოვა და კარიერას ლიგა 2-ში აგრძელებს.
ჯიღაურს ასევე უთამაშია თბილისის ''დინამოს,'' საჩხერის ''ჩიხურასა'' და მაკედონიური ''ვარდარის'' შემადგენლობაში.
